मनभित्रका कुरा  

ओठमा त हाँसो लिएर हिड्छु होला तर

यो हाँसोभित्रको व्यथा कसलाई थाहा छ र!

बाहिर देख्दा ओठमा छ होला हाँसो तर

यो मन भित्रभित्रै जलेको कसलाई थाहा छ र!

मैले आफ्ना भन्नेहरु कहिल्यै आफ्ना भएनन् 

मलाई बुझ्छु भन्नेहरुले कहिल्यै पनि बुझेनन् ।

मेरो पनि मन मुटु छ बोल्दा अलि ख्याल गर्नु 

मेरो बारे बोल्नु अधि सयपटक सोच्ने गर्नु।

मन दु:ख्दा हाँसेर टारेको कहाँ भुल्न सकुँला र

यो मनभित्र लुकेका कुरा कसलाई भन्न सकुँला र!

आफ्ना भन्नेहरु नै रङ देखाउँदा रहेछन् यहाँ 

अब त दुनियाँमा विश्वास लिन जाने कहाँ ?

मन भित्रका कुरा अब कसलाई भन्ने हो खै

जसलाई भने पनि बुझी दिने को छ नि है!

मनभित्र त छन् धेरै पिडा खै कसलाई सुनाउने

यो मनभित्रका कुरा बुझ्न को होला र आउने?

मनभरि झुटो हाँसो लिएर कति दिन हिन्ने हो खै

आखिर सबले देख्ने हाम्रो त्यो सानो गल्ती हो नि है!

झुटो दुनियाँ देख्दा त मन खिन्न भएरै आउँछ नि है

जति दु:ख जति झुट सहेर नि बाँच्न बाध्य छौँ है।।

– लजना महर्जन 

कक्षा :८